Q3FY24 முடிவுகளுக்குப் பிறகு தீபக் நைட்ரைட் CEO சொல்வது என்ன?

Estimated read time 1 min read

இரசாயனத் தொழில், செங்கடலில் மோதல்கள் மற்றும் உக்ரைன் மீதான ரஷ்யாவின் படையெடுப்பு ஆகிய நிகழ்வுகளால் சவால்களை எதிர்கொள்கிறது என அவர் கூறுகிறார்.

ஏற்ற இறக்கமான மூலப்பொருட்கள் விலைகளால், தீபக் நைட்ரைட் லிமிடெட் நிறுவனத்தின் இலாப வரம்புகள் (Profit Margins), டிசம்பருடன் முடிவடைந்த காலாண்டில் பாதிக்கப்பட்டது.

டிசம்பர் வரையிலான மூன்று மாதங்களில் நிறுவனத்தின் நிகர லாபம் ஆண்டுக்கு ஆண்டு (YoY) 3.34% சரிந்து ரூ.202.05 கோடியாக உள்ளது என்று அதன் அறிக்கை தெரிவிக்கிறது.

“தீபக் நைட்ரைட்டின் (தனித்தனி / Standalone அல்லது ஒருங்கிணைக்கப்பட்ட / Consolidated) Q3 நிதி முடிவுகள், குறிப்பிடத்தக்க அளவில் இல்லை என்பதை நான் ஒப்புக்கொள்கிறேன்,” தலைமை நிர்வாக அதிகாரி மௌலிக் மேத்தா NDTV Profit-ற்கு அளித்த பேட்டியில் கூறினார். “ஆனால், இந்திய இரசாயனத் தொழிலில் மிகவும் பொருத்தமானதாக இருப்பதற்கான குறிப்பிடத்தக்க திறனையும், உலகிற்கு வழங்குவதற்கான அதன் Supply திறனையும் நாங்கள் வெளிப்படுத்தியுள்ளோம் என்று நான் உண்மையிலேயே நம்புகிறேன்.”

இரசாயனத் தொழில்துறையானது செங்கடலில் உள்ள மோதல்களால் சவால்களை எதிர்கொள்கிறது, இது அதிக சரக்குச் செலவுகளுக்கு வழிவகுத்தது. அடுத்து, உக்ரைன் மீதான ரஷ்யாவின் படையெடுப்பு- (இவை விவசாய-ரசாயனங்களின் முக்கிய சப்ளையர்). இதன் விளைவாக, இந்தியாவிலும் உலகெங்கிலும் உள்ள நிறுவனங்கள், புதிய இயல்புநிலையைச் சமாளிக்க தங்கள் விநியோகச் சங்கிலிகள் மற்றும் உத்திகளை மாற்றி அமைக்கின்றன.

நம்பிக்கையான கண்ணோட்டம்

“ஒரு காலகட்டத்திற்கு மேல், Volumes-ல் முன்னேற்றம் உள்ளது. வாடிக்கையாளர்கள் மற்றும் சப்ளையர்கள் யூகிக்கக்கூடிய திட்டமிடல் உத்தியில் ஒத்து போக இருப்பதால், Margin-ல் முன்னேற்றம் உள்ளது என்பதே இதன் பொருள்.” என்று அவர் கூறினார்.

நமது சொந்த சந்தைகள் மற்றும் நாம் இணைக்கப்பட்ட விநியோகச் சங்கிலி, இந்திய நுகர்வு மேம்பாடுகளிலிருந்து தேவைக்கான மறுமலர்ச்சி தொடங்கும் என்று நாங்கள் எதிர்பார்க்கிறோம், மேலும் உலகளவில், தயாரிப்புகள் மீது அதன் வாங்கும் உத்தியில் வாடிக்கையாளர்களின் நம்பிக்கையில் ஏற்பட்ட பொதுவான ஒரு முன்னேற்றத்தையும் நாங்கள் காண்கிறோம். ,” என்று அவர் கூறினார்.

மருந்துகள், கட்டுமானம், நிறமிகள் போன்ற பல துறைகளில் நிறுவனம் செயல்படுவதால், நிறுவனம் மோசமாக பாதிக்கப்படாது என்றும் அவர் கூறினார்.

திறன் விரிவாக்க (Capex) உத்தி

நிறுவனம் மூலதனச் செலவினங்களுக்காக பல திட்டங்களை வகுத்துக்கொள்கிறது.

“கடந்த 6-8 மாதங்களாக, நாங்கள் தற்போது செய்து வருவது Brownfield Capex ஆகும். Brownfield Capex போதுமானதாக இல்லை என்றால், Wallet பங்கை பராமரிக்க அல்லது அதிகரிக்க Greenfield Capex-க்கு செல்வோம்.” என்று மேத்தா கூறினார்.

புவிசார் அரசியல் (Geopolitics) பற்றி

மேத்தா 2024 ஆம் ஆண்டை புவிசார் அரசியலுக்கு ஒரு பரபரப்பான ஆண்டாக பார்க்கிறார்.

“புவிசார் அரசியல் நிலைபெறும் என்று நான் எதிர்பார்க்கவில்லை. இந்த வருடம், உலகின் 90% ஜனநாயக நாடுகள் தேர்தலைச் சந்திக்கின்றன. அதனால், இந்த ஆண்டு எந்த மாதிரியான இயல்புநிலையையும் நான் எதிர்பார்க்கவில்லை. Volatility குறைந்து, ஒரு தீர்வு நிலை வரும் நிலையில், அனைத்து தரப்பினரும் தங்கள் வாங்குதல் மற்றும் விற்பனை உத்திகளில் நம்பிக்கையை மீண்டும் தொடங்குகின்றனர்.” என்று அவர் கூறினார்.

சீனா உலகின் மிகப்பெரிய இரசாயன உற்பத்தியாளர், அவர்கள் ஒருபோதும் புறக்கணிக்கப்படக்கூடாது, சீனாவில் இரசாயன ஏற்றுமதியை மீட்டெடுப்பது குறித்து அவர் கூறினார்.

You May Also Like

More From Author

+ There are no comments

Add yours